蔡宛珊遇人不淑入行被呃錢

26歲便嫁人的蔡宛珊雖然經歷失婚，但仍相信愛情。

Sarika憑着中印混血兒的氣質，誤打誤撞陪朋友試鏡，然後入行，早前她應東網巨星節目「海馬牌床褥特約」《閨蜜睡房》邀請任嘉賓，一連三集與主持人李文珊（Sherman）大談工作。提到初入行時僅得16歲，簽下第一間模特兒公司便遭遇不快經歷，她說：「要畀錢上模特兒課程，幫公司做咗啲Job，最後又唔出糧，搞到要告上小額錢債，好慘！」

與周星馳拍廣告

正所謂邊度跌低，就喺邊度起身，之後她開始遇上不少貴人，先後與周星馳和Bob拍廣告，並與Bob熟落，她說：「我哋係拍啤酒廣告識，嗰時佢未做DJ，廣告之後，就開始成日一齊做MC，佢係男司儀，我係女司儀，好有緣。後來有次佢打電話畀我，問我有冇興趣加入佢公司，我覺得Why not？不如試吓！」她以四個好字來形容對方，視Bob為學習對象。

無悔早婚鬧分歧

早前她無辜捲入前夫Raymond與姚子羚的新聞，讓失婚背景曝光，提到當年26歲便嫁人，她表示曾嘗過幸福，雖然最終分開，但從未後悔早婚，仍然相信愛情：「我係一個充滿愛，亦都有好多愛可以付出嘅人，細個時，可能簡單啲，好快就好容易鍾意，墮入愛河，依家覺得理念同價值觀好緊要，同埋一定要錫我屋企人。」Sarika更坦認有人追，笑說：「慢慢去感受吓被人愛嘅感覺先，想Take It Slow。」想知更多她的心底話，就記得本星期五、六、日收睇《閨蜜睡房》！

蔡宛珊大讚Bob對工作的熱誠，是其奮鬥目標。

蔡宛珊與主持人Sherman分享愛情觀。