開Live結緣 劉佩玥驚爆做咗「人妻」
無綫藝人劉佩玥（Moon）昨日出席電腦活動，自言由細到大都有與弟弟打機，有時打到會激動得想鬧人，入行後在無綫結識不少愛電玩的朋友，輪流到訪屋企打機。問到有否打到爆粗？她說：「咁又唔使，最多搞笑咁鬧吓人啫！爆粗留畀啲粗獷嘅男士。」
至於有否試過打機與朋友反面？Moon自爆有朋友試過打到借錢：「或者會話對方打得唔好囉！但我就覺得只係娛樂，唔好太認真。」亦會上網與街外人對戰，問到是否用真名？她坦言會用平時用慣的網名，故Fans會認得，但覺得連線打機需要她確認，不太擔心私隱問題，又不時開Live與Fans傾偈互動。問到可有收過網民示愛？她笑說：「有Fans嗌我做老婆，就算女Fans都會叫。」