來自醫生世家的靚仔鏗鏗，有兩個家姐一個哥哥，他在今次訪問中，竟自爆還有一名「失散兄弟」，一直想到日本尋親。原來他口中的「兄弟」正是日本男神田中圭，他說：「之前佢嗰套熱播劇《大叔的愛》出咗，好多朋友睇完都話我哋勁似樣，問我哋究竟係咪有關係，之後我睇番，真係有啲角度幾似。」
其實大約兩、三個月前，他不用搭飛機已有機會與田中圭相認，但最終因工作而錯失。他重提此事時語氣有點失望：「咁啱佢嚟香港，好想去見佢真人，但我要做嘢，冇辦法同佢見面，惟有睇吓之後有冇機會，希望可以同佢講句日文，話佢知啲人覺得我好似佢，當然要影張合照為證啦。」