何雁詩冧讚鄭俊弘：佢太靚仔

何雁詩絕不會為事業放棄高爾夫球比賽。

父母欣賞脾氣好

問到Fred可有縱容她的「惡行」？她笑言：「 其實我同佢性格都好似，但佢就整齊啲，我就鍾意將啲污糟衫通屋放。（有冇忍唔住幫你執？）都有嘅，佢唔會鬧，但會問我點解着完嘅襪喺呢度。」再問她可有包庇男友？她即乘機讚對方：「我包庇佢太靚仔囉！佢樣樣都OK喎，近乎完美，接近神呀！（你父母都覺得Fred係神級？）如果阿爸阿媽都覺係神級就太古怪，但佢哋欣賞Fred脾氣好，蠢蠢哋囉。」

感激公司體諒

提到她與Fred相繼推出新歌，工作回復正軌，她坦言已有兩年沒出歌，曾以為沒機會再唱，所以很開心。問到會否繼續打高爾夫球？她稱近月有參加比賽，故向公司請假三星期，感激公司體諒讓她打波。

鄭俊弘脾氣好，容忍何雁詩的陋習。

何雁詩指爸爸很欣賞鄭俊弘。