陳煒挑戰迪麗熱巴：我要靚過佢！

陳煒與苑瓊丹（苑仔）昨日到元朗為食店開幕擔任剪綵嘉賓，穿低胸露背裙的陳煒明艷照人。兩女甫見面即攬頭攬頸，苑仔笑言：「好耐冇見，佢過年煮鮑魚又唔約我！佢煮嘢食好叻，大家喺電視可以睇得到，同埋佢份人好到不得了，大家要接觸先知。」

苑瓊丹進軍飲食業

苑仔透露計劃與陳浩民、林子聰搞飲食生意，在泰國、馬來西亞及內地等開舖賣香港美食，計劃9月先進軍泰國。問到預計投資幾多？她笑言：「唔知o架，浩民錢多就畀多啲。」並叫陳煒加入做大股東：「或者等我孭咗上身先，生意搞順咗再請佢做代言。」陳煒即笑言可以幫手賣「BB鮑魚」：「我煮嘢食就叻，但做生意就要請教苑仔。」

陳煒透露正洽談一部內地電影，以《倩女幽魂》為題材，問到會演哪個角色？她笑言會演「姥姥」一角：「迪麗熱巴都演過，我就係要靚過佢！（有睇以前啲版本參考？）有呀，有睇Ming Sir（劉兆銘）版本，睇佢半陰半陽嘅演繹嚟參考。」苑仔即說：「陳煒做姥姥太靚。」

希望合作拍劇

二人曾合作無綫劇《火線下的江湖大佬》，苑仔稱因陳煒撞期，不能與原班人馬拍攝新劇《街坊財爺》，希望有機會再合作。提到《街》劇原定今個月播映，但臨時改播《包青天再起風雲》，苑仔指《街》劇於9月播映，屆時如何忙碌都會出席宣傳活動：「自己作品梗係要支持，我哋啱啱先拍完宣傳片，大家一齊唱歌。」