李兆基安息禮拜 徐錦江返港送別
有「影壇四大惡人」之稱的李兆基上月初因癌病辭世，享年69歲，昨日假鑽石山殯儀館進行安息禮拜，今日出殯火化，圈中人如徐錦江、羅家英、海俊傑、劉錫賢、導演杜琪峯及劉偉強、已故電視劇監製蕭笙的兒子蕭智剛等到場悼念。
李兆基遺孀一早到場打點，她稱心情已平復，問到有何陪葬品？她才驚醒忘記放置。問到日後打算？李兆基的友人代答：「佢會努力生活，一定唔會再結婚。」
李兆基於1994年曾擔任羅家英與徐錦江的經理人，徐錦江表示今次專程返港送好友最後一程：「今日下午到，聽日就走。識咗佢好多年，但十幾年冇見，一齊嘅時候好開心，好多嘢都停留喺我腦海中。」羅家英亦讚對方好人又有義氣，並大爆：「記得李兆基同徐錦江好耐之前去海南島做嘢，差啲畀人屈添！」
