翻版「細龍太」出戰太平洋小姐
《2019亞洲太平洋國際小姐（香港區）》11位參賽佳麗昨日以泳裝會見傳媒，名模何紫綸以主辦方身份出席，她透露勝出者將代表香港到菲律賓出賽，並大讚佳麗質素勝去年。早前離婚的她被問到現時生活，她說：「OK啦！都過咗一段時間，我搬咗出嚟住，習慣咗獨立，依家專注工作，冇追求者。（準備好？）慢慢嚟，睇定啲先。」
參賽者以戴可穎 （Vicby）年紀最輕，只有18歲，她自誇優勝之處是身材及青春無敵。陳樂憧（Donna）則身材最澎湃，樣子更酷似「細龍太」陳偉琪，她卻表示唔敢當：「佢身材好過我好多，我係34C，佢係E Cup。可能因為佢嘅膚色好古銅色，而我鍾意運動，比較大隻同骨架厚，所以令人覺得我似佢！」
