有米男接收工叫影靚啲！ 「進擊」Mina封嘴唔認仔

Mina曾自爆男友支持她參選，但被追訪時又全程「唔應機」。

《2019香港小姐競選》今年有15位候選佳麗入圍，當中不少已名花有主，繼本報早前踢爆「嫩版郭可盈」黃嘉雯有位「A貨雷神」外籍男友外，馮盈盈的港大師姐、大熱楊慧敏（Mina）也自爆有一名做文職的男友，並指男友極支持她參選，還讚她入圍好叻。前日她在電視城受訓後，男友亦有做「柴可夫」接收工。

搵食蕩失路

前晚10時許，一眾佳麗受訓後離開電視城，Mina與黃嘉雯雙雙步出，登上Mina男友早已停泊於附近的40多萬靚車，座駕先直駛油塘港鐵站放下黃嘉雯，其後Mina發現記者追訪，男友即駕車四處兜。當記者上前拍照時，正在講電話的Mina揮一揮手，男友即把座駕駛往一旁，校低車窗雙手合十說：「影張靚啲啦！」問到與Mina是否男女朋友，他未有回答，僅指着身旁的Mina示意由她回應，但Mina未有理會，繼續講電話，令男友一臉尷尬，極為無奈，問男方打算去哪裏？他說：「想去搵嘢食，不過唔識路。」然後便驅車直駛梨木樹邨。Mina落車與男友傾了幾句，然後邊傾電話邊上樓，全程對記者提問封嘴不答。

男友望向Mina求救，但Mina零反應，繼續煲電話粥。	男友態度友善地打招呼，並提大家影靚啲。	Mina僅於落車時與男友講兩句，其餘時間電話不離手。

此外，有報道指身為港大校花的Mina有公主病，與馮盈盈早於讀書時已有積怨，加上面試時自爆是對方同學而惹盈盈不滿，不過Mina否認其事，稱只是誤會。