游學修慢吞吞激嬲盧海鵬

藝人游學修、盧巧音、組合Super Girls成員Yanny（陳穎欣）及盧海鵬等，昨午現身荃灣宣傳ViuTV新劇《仇老爺爺》。盧海鵬自爆入劇組不久就試過「拍枱唔撈」：「唔知佢哋想拍乜，瞓醒幾覺都未埋到位，點知拍到幾時？命都冇咁耐啦！」身兼導演的游學修即解畫：「嗰時啱啱開咗工幾日，有日因為食完飯轉場景，打燈打得慢少少，鵬哥瞓咗一陣，以為自己瞓咗好耐，起身就好嬲。（點收科？）即刻Roll機囉！我叫副導演去氹佢，好彩跟住場戲係講我同佢鬧大交，好配合到情緒。」