林秀怡行處女騷男友詐型

林秀怡、鍾晴及洛兒等昨午到荃灣出席泳衣騷，引來不少粉絲到場「獵艷」，令商場兩層擠滿人群。幾位女生中，林秀怡服飾最保守，可算相當「失色」。事後她孖鍾晴受訪時，主動向記者「道歉」：「對唔住，我咁嘅身材污染咗大家嘅眼睛。」記者讚她身材不算太差，她即謂：「你哋做善事，搞到我想喊。」

戒澱粉質節食一日

剛度過27歲生日的她，直言獻出入行以來的「第一次」，自嘲「老人行騷」，又自爆115磅「多肉」：「如果Fit啲，好似其他拍檔咁澎湃，梗係唔介意除晒畀大家睇。其實今次我節食咗一日，特登戒澱粉質，仲同男友講，話一陣間要食番餐勁嘅，佢話節食咗一日咋喎。男友都有話嚟支持，但唔知匿埋咗喺邊。」

性感上陣的洛兒，即場玩吹泡泡。

鍾晴對自己的纖腰最為滿意。

她坦言男友對其「性感演出」有微言：「我同佢講做嘢啫。（因為價錢收少咗，所以唔露咁多？）唔係，價錢好好。（為咗還媽咪啲手術費，所以唔過分嘅Job都會接？）係，今日已經算性感底線。（經濟壓力鬆咗？）唔知，因為工作時多時少。」

鍾晴怕醜遮底褲仔

而同場的鍾晴透露剛從關島旅行返港，且謂：「肥咗啲，又皮膚敏感，好彩返嚟有三日減吓。（好滿意自己條腰？）較為滿意嘞。（點解下身全程披紗布？）好唔慣，好似着咗條底褲仔亮相人前。」