唐詩詠開口邀約 馬國明冷笑

馬國明、唐詩詠、李佳芯、張曦雯及馮盈盈等，昨日宣傳無綫劇集《白色強人》，眾人有信心結局篇收視衝破33點。問到可有機會拍續集？詩詠坦言曾與監製提出，認為不少角色仍有發展空間，例如今輯未有解釋她與馬國明的離婚原因。

「佢不嬲係好女仔」

提到二人於劇中復合，網友亦希望他們現實中相戀，詩詠即向馬國明撒嬌：「約我啦！」曾有網友在馬國明社交網留言，指最好的詩詠已在他身邊，他說：「咁犀利！咁佢不嬲都好，係好女仔。」問到相識多年為何依然擦不出愛火？他即冷笑一聲，詩詠即笑說：「我要唔要行開？」再問尚欠甚麼才能撻着？馬國明笑說：「我都諗唔到爭啲乜！」

李佳芯有信心《白》劇收視再創佳績。	馮盈盈自爆被男友鬧自私。	張曦雯晒靚膊出席活動。

馮盈盈同居爆衝突

至於盈盈早前的爆喊戲被網民狠批核突，問到會否不開心？她說：「我會諗辦法改善，啲前輩話成功嘅女演員，一定要喊到好靚，但肉緊起上嚟又好難注意表情，所以要練多啲。」問到會否找男友一起練習？盈盈笑指同居生活已充滿衝突：「最近洗杯都洗到凌晨四點，因為我比較有生活品味，會分開用水杯、酒杯、咖啡杯、香檳杯，所以屋企有成廿隻杯，但佢淨係用一隻杯，所以有好多分歧。佢仲話我自私、唔上進，鬧得好狠，可能佢想幫我一把，等我諗起佢就會流眼淚，其實都係一片苦心。」

另外，有份獻唱該劇插曲《Can You Hear》的譚嘉儀，於台上宣布將推出與馬國明合唱的中文版，並於結局篇播出，稍後會拍MV。