有仔陪出海 張紋嘉變「囧」！

歌手張紋嘉（Crystal）在社交網分享素顏兼零P圖的泳裝照，其中一張被捲浪嚇到驚惶失措的表情，被網民大讚「囧樣好正呀」！昨日她接受訪問時，指當天與好友鄧穎芝、樂隊野佬三位成員小胡、何兆基及Wilson及20多位圈外朋友遊船河，問到搭住她香肩的男士是否其男友？她即說：「佢係我朋友，男友冇嚟。」可擔心男友呷醋？她說：「男友會明白，其實做藝人都會拍親熱戲，我之前都會嬲男友同啲女仔朋友太親密，但依家唔會。」