徐綺雯帶動感囝囝旅遊看世界

徐綺雯（Candy）今年初與澳門製衣業太子爺Simon離婚，全心全意照顧3歲兒子Carlton。Carlton自小被診斷患有蠶豆症，日常起居飲食均要十分小心，對於兒子「入口」的食物，Candy一定嚴格檢查，每日的正餐更是親力親為，絕不假手於人。

無悔重50磅

Candy回想佗B期間，體重暴增50磅：「因為佗佢嘅時候，醫生話佢比較細，所以我食好多嘢吸收營養，足足重咗50磅，但都唔緊要，最緊要係囝囝健康啦！」她覺得囝囝愈大愈有運動細胞：「佢一出世就唔怕水，沖涼冇喊過，兩個月已經去泳池游水，依家戴住手袖水泡可以自己游，完全唔想我抱佢。」

Carlton踏入1歲開始說話，Candy相信是經常溝通及鼓勵有關：「我教佢動物名稱，畀啲Flash Card佢睇，佢好細個已經識晒動物啲名。同埋佢4個月大，我就帶佢去旅行，等佢接觸多啲新事物，刺激佢嘅感官，例如帶佢去滑雪，畀佢接觸吓咩叫雪同凍。」

徐綺雯經常帶Carlton四圍去，讓他接觸新事物。	單親媽咪唔易做，但徐綺雯非常享受與囝囝的相處。	Carlton的笑容，是媽咪的最大動力。

育兒心得

1.多跟孩子說話，促進語言發展。

2.帶孩子多看世界，不要局限於書本。

3.讓孩子從遊戲中學習。