龔嘉欣趕煞科作嘔

藝人龔嘉欣昨日出席名牌專賣店開幕活動，談到早前受耳水不平衡困擾，她表示近日忙於為劇集《大醬園》埋尾，通告密集，以致拍攝期間經常作嘔：「每次返廠都搵定個位嘔，有一日去飛鵝山外景畀佢哋笑我，話成片草地畀我嘔，但最終冇嘔到。多謝袁文傑幫我擔遮，又有人遞水同擔櫈，好在仲有兩星期就煞科！」又指完成劇集後，就會放大假去旅行，現正物色同行人選，暫定分別與姚子羚及江嘉敏出埠，但地點待定。