林欣彤揀歌要講心
歌手林欣彤（Mag）與同門歌手洪嘉豪昨日為ViuTV遊戲節目《估你唔到》擔任嘉賓，Mag表示現場見到很多狗狗，而她本身亦是愛狗之人：「我養咗兩隻唐狗，所以唔驚狗，特別鍾意大狗。」而嘉豪亦喜歡跟狗狗玩耍：「我唔驚狗，不過現場見到有隻超大嘅狗都有少少怯，會諗如果畀佢咬到就好痛！」
提到最近加盟新公司，Mag透露現時忙錄歌，並計劃年底開個唱：「暫時未有方向會唔會出大碟，會以單曲為主，出碟有難度。（會唔會試啲新曲風？）都試過好多，我唔會為曲風而揀歌，最重要係首歌可以觸動到自己。依家覺得心情冇咁大起大落，平靜啲。」而嘉豪表示第一次為Mag寫歌，非常開心。