馬國明幫口求情 心穎有機重返幕前？？

回復單身的馬國明以西裝Look型仔現身，全程心情大好，他與Ali及小朋友玩互動遊戲時，更做出招牌表情「天然呆」，笑說：「呢個表情我成日做o架。」受訪時提到回復單身筍盤，他說：「我哋都仲係朋友嚟，大家畀個機會佢，覺得都鬧夠啦，大家反應有啲過敏，始終感情事嚟啫，每個人都會犯錯。」

提到外界關心他的感情狀況，他說：「呢啲唔講啦，只想件事盡快平息，唔好再周旋喺呢件事度。（有冇聯絡心穎？）唔講啦，再講大家只會愈問愈多。（佢依家身處何地？）其實大家都知啦，報紙雜誌寫佢喺第二度讀書嘛。」

「又唔係殺父仇人」

言談間馬國明處處為心穎護航，問是否想助她重返幕前工作？他說：「又唔係幫嘅，只係件事上面網民反應好激，感情事啫，唔使啄住嚟鬧，件事過咗咁耐，佢亦都知錯啦。」提到早前曾承認對「偷食事件」感憤怒，他表示：「係有啲嬲，但只係好短時間，我成日都講，佢又唔係我殺父仇人，點解大家反應咁激？佢都知佢唔啱。」又強調大家沒必要為此事連朋友也做不成。

自稱冇女埋身

問到是否已準備接受新戀情？他說：「唔答呢啲啦，冇話準備好未嘅。（如果心穎要求復合呢？）假設性問題唔答啦！（畀個機會佢？）冇嘢答啦，專心工作先。」問到現時可有單身女士主動出擊？他笑說：「從來都冇，係大家畀面咁講啫，自己唔係咩筍盤。（情傷已經好番？）不嬲都話冇事，第一日出嚟都話冇，自己識修復自己嘅心，我係心胸肺科o架，大家唔使擔心我！」

Ali同馬國明鬥Chok表情，玩到伸脷！	放大圖片	黃心穎受千夫所指，馬國明處處維護。