張紋嘉5歲開始練酒量

藝人張紋嘉、Super Girls成員Cheronna及樂隊Kolor等昨午到中環出席啤酒活動，兩女不約而同齊齊穿露臍裝現身，張紋嘉受訪時謙稱：「如果知你（Cheronna）咁着，我就收埋啦！（夏天可以性感啲？）要身材弗啲先得，好似今日我就收埋手臂。」談到酒量，她笑說：「千祈唔好話自己飲得，我酒量係可以嘅。第一啖酒係5歲時爸爸畀我飲，覺得女仔要練喎！（飲醉會點？）瞓覺，其實都危險，好彩嗰次係同熟朋友一齊。（斷片？）咁又冇。」Cheronna則自爆對酒精敏感，所以「唔飲得」﹕「（飲咗）會又紅又腫，成個人好唔舒服。」