貝安琪一個夠數唔追女
名模貝安琪（Ankie）昨日拍美容院廣告，笑言隨着年齡增長，愈勤力護膚，亦會幫老公敷面膜：「佢之前唔鍾意o架，但朋友讚佢靚咗，佢就開始要我幫佢敷，依家好多男仔朋友都會做Facial。」她續說稍後會去越南、加拿大等地旅行，兩歲半的兒子Sebastian也會同行，對於會否令她和老公冇二人世界，她說：「唔會，我哋每星期都會有一兩次拍拖時間，要Keep住先得。」
Ankie指囝囝在兩個月大時已開始搭飛機，表現乖巧冇扭計：「我上網睇，教家長要畀個奶嘴BB，咁耳仔就唔會唔舒服。」問到會否再造人，她坦言冇計劃，暫時認為生一個就夠。