美娜頭頂插針 孖王大陸放笑彈

張榕容大晒白滑美腿搶Fo。

美娜前日聯同台灣藝人王大陸、張榕容及內地藝人許魏洲與劉美彤齊集上海，出席英皇電影《素人特工》發布會。這是美娜首部華語作品，講到接拍緣由，她自爆是該片導演袁錦麟的粉絲，加上喜歡中國文化，對今次合作非常激動。

現場播出美娜頭上扎滿針灸刺針的搞笑劇照，與其過去的形象截然不同，她說：「睇劇本嘅時候就畀呢場戲吸引，當日我頭上刺滿針喺布達佩斯街頭拍戲，吸引咗好多路人嘅目光。我之前好少拍攝喜劇，今次係一次好新鮮嘅挑戰，而喺布達佩斯街頭拍攝真嘅撞車戲，都係第一次。」

導演笑言找來「最普通」的王大陸襯托首拍華語片的美娜。

一眾台前幕後，前日齊集上海為新片造勢。

張榕容半日學識飄移

至於王大陸在片中要於八層樓高的地方拍攝跑戲，他自言做好「跳樓」的準備，導演就笑言揀中他孭飛，是要找一個「不帥、智商不高」的普通人擔任男主角，認為王大陸最合適不過。而晒腿亮相的張榕容也難忘在布達佩斯拍攝街頭賽車追逐戲，她當時花了半天便學懂飄移，十分厲害。許魏洲亦表示為此片練出六塊腹肌，導演特別設計了一場讓他Show Body的戲份。