韓團防彈少年團（BTS）爆紅海外，但前晚有澳洲電視節目談論七子時，主持竟取笑他們不諳英語，涉種族歧視而惹起公憤，更有受訪嘉賓嘲七人中肯定有一人是同志，激怒全球粉絲！
澳洲電視台Channel9前晚播出節目《20 to One》，女主持介紹排行榜第18位是現時最強勁的BTS，身旁男主持竟說：「真係唔識，聽都未聽過！不過如果北韓領導人金正恩喜歡男團，南北韓就應該唔會開戰！聽講南韓發生爆炸性新聞，仲以為係韓國有大爆炸，原來係講緊防彈，但見到組合，我就覺得不外如是，還不如大爆炸轟動！」
節目嘉賓亦加入嘲諷BTS說：「BTS係唯一一隊韓團打入美國排行榜冠軍，但原來得一位成員識講英文，真係神奇！佢哋跳舞好，唱歌就一般，都OK啦！」暗踩成員不諳英語，節目更插播成員Jimin演出時緊張走音的畫面。另一位嘉賓亦就隊長RM去年在聯合國大會以英語演講一事，嘲笑當時Gel了頭的RM：「還以為演講內容同噴髮膠有關！」更有嘉賓譏成員是同志：「我有次在Twitter留言問是否有成員是同志，即被大批BTS迷圍剿，明明當中肯定有成員係Gay，7人中肯定有一名吧，這是數學題！」
節目內容涉種族歧視捱轟，但電視台堅稱只為增加趣味性，沒違反播放守則，並為讓觀眾不悅致歉，但全球粉絲仍嬲爆，在社交網發起「#channel9apologizetoBTS」的hashtag活動，要求電視台向BTS道歉。此外，BTS入圍8月在美國舉行的《Teen Choice頒獎禮》「最佳國際歌手」與「最佳合唱歌曲」兩項目，近期活躍美國的韓團BLACK PINK亦有份爭「最佳組合歌曲」。