陳瀅同羅天宇一齊唔出奇！
藝人陳瀅日前到澳門拍攝節目，大呼好玩：「用咗一日拍咗幾條短片，當中包括短劇、遊戲同訪問，行程好豐富。令我覺得好有成功感嘅，就係當住識得玩魔術嘅主持人面前，表演咗一個魔術，而事前我冇特別學過嘅，只係睇咗條片就無師自通，仲夠膽班門弄斧！」拍攝當日天氣惡劣，陳瀅跟一眾拍檔在海邊玩問答比賽，搞到狼狽不堪：「大風大雨，而且每答錯一題就要被淋水，最後我全部答錯，所以成身濕晒！」
另外，談到早前被發現與緋聞男友羅天宇同遊日本，陳瀅再次否認戀情：「咁啱成班朋友都唔使開工，所以一齊去日本玩吓，不過最主要原因係我要喺日本轉飛夏威夷。坦白講，我同天宇一直都只係朋友，緋聞傳咗咁耐關係冇變過，所以見到我哋一齊，其實唔需要覺得出奇吖！」