尹光少鹹多趣 ：冇唱過粗口歌
「廟街歌王」尹光入行多年，唱出不少經典金曲，更被封「鹹濕歌王」及「粗口歌王」。日前他接受東網節目《娛場》訪問，坦言未試過在廟街獻唱：「因為我嘅唱片當年喺呢度好好賣，唱片舖日播夜播，所以啲人咪叫我『廟街歌王』囉。至於『鹹濕歌王』同『粗口歌王』，我從來冇唱過任何粗口歌，諧音就有，鹹濕歌？意會嚟啫！」
曾經歷兩次生死的他，於演唱會上不小心撞傷手要做手術，之後又撞車，引致橫膈膜出血，令他對人生有深切體會：「人生苦短，做人得過且過，唔好成日發嬲。醫生都有話，每一個人身體都有癌細胞，問題係發唔發出嚟。如果你個人好憂鬱，癌症有可能出嚟搵你。」
https://bit.ly/31JvXl7