朱晨麗被刪戲份白打一場！

朱晨麗正趕拍《大醬園》，冇時間補拍《法證Ⅳ》。

黃心穎偷食人夫許志安，令不少劇集要重拍甚至抽起，當中「重創」藝人包括《牛下女高音》男主角張振朗、《法證Ⅳ》的黃浩然及李施嬅。而心穎於《法證Ⅳ》的戲份由湯洛雯頂上補拍，劇集得以重見天日。6月初大部分演員已埋位重拍，有指劇組欲刪去心穎的群戲及對手戲，加上製作費及演員檔期所限，只能拍50組，整個補拍大約要一個月內完成。

「梗係想觀眾睇到」

與心穎有很多對手戲的朱晨麗，正趕拍另一劇集《大醬園》，由於未能配合時間補拍《法證Ⅳ》，結果被監製梅小青Cut戲，更毋須補拍。昨日朱朱受訪時坦言無奈，至今仍未收到補拍通知：「呢幾日見到啲工作人員，佢哋都有問我幾時補拍，定係唔使補呢？以我所知有一場打Boxing嘅戲刪走咗，其他未收到消息。（之前拍得咁辛苦，會唔開心？）咁拍完套劇梗係想畀觀眾睇到，至於最後係點就交畀公司處理，作為演員都控制唔到。」

黃心穎形象跌到谷底，無綫將其作品抽起或重拍。	朱晨麗（右）同心穎打得咁辛苦，得個吉！	黃浩然與陳敏之（左）及湯洛雯合作愉快。

黃浩然左擁右抱

另外，忙於補拍的黃浩然在社交網上載輕攬拍檔陳敏之及湯洛雯的合照，表示與敏之相識近二十年：「舊拍檔陳敏之跟新拍檔湯洛雯，大家期待我們擦出的火花嗎？ 」