黃德斌離巢易接Job 無悔遲起步

藝人黃德斌昨日到電台出席書獎活動，自言有時需要為角色睇資料，但某程度上睇劇本多過睇書。工作方面，他透露現時拍打戲，記者打趣指難不到他，他即笑說：「10年前我都仲夠膽講，但So far都應付到。今次槍火戲多，結局未知會點，但都會係啲連串動作戲。」拍畢後會緊接拍另一套戲：「都要搵食嘅，但唔使打咁多，係警匪片。」問到離開無綫是否賺更多？他說：「到依家都OK，都有工開，係容易咗接，以前會有劇喺身。（後悔應該早啲出嚟？）冇嘅，咩都係整定，如果早啲可能又會話我未夠成熟。」亦坦言《逆流大叔》令他擴闊戲路。