乾眼症阻桃花？ 惠英紅：有靚嘢都睇唔到
影后惠英紅昨日出席保險活動，即場透過視網膜分析機進行認知健康測試，結果得出屬中風險。而她因亡母生前患上認知障礙，都擔心會遺傳，故現時每年都有照磁力共振檢查，直言每次都很緊張兼心跳加速，又指今次這種測試只花15分鐘即有結果，壓力大減。
對於測試結果，她說：「咁都60歲，係正常衰退。（有冇預防方法？）一定要多刺激大腦，學新事物，之前有去學英文、畫畫、音樂。（拍拖先夠刺激？）都係，可能踩界原因就係Dry咗好耐，要努力先得。」但又笑言：「好難搞，我由細到大都唔多桃花，去晒事業。（抽空出擊？）唔得，女性要矜持，唔好以為我係豪放女，呢方面我好差，唔識放電。（當做戲囉！）做戲有人工o架！我300幾度近視，又因乾眼症唔戴得隱形眼鏡，成日睇嘢矇查查，有靚嘢都睇唔到。」