馮盈盈醉爆紅燈區向性工作者學嘢
馮盈盈昨日出席活動期間，自爆醉住拍攝節目《荷蘭好玩》，又「葡萄」同行的麥明詩受男士歡迎，大爆對方在荷蘭「收兵」，認識了一位英國才俊。
無綫逾六十位藝員包括蕭正楠、麥明詩、馮盈盈、林夏薇及姚子羚等昨日在將軍澳電視城出席「TVB Amazing Summer」活動介紹暑假推出的新劇集與節目。麥明詩與馮盈盈主持的節目《荷蘭好玩》將於下月播出，盈盈笑稱不少內容不能出街而需刪剪，麥明詩則笑謂擔心惹投訴。
提到在荷蘭紅燈區拍攝，盈盈自言酒量差，喝了半杯已醉醺醺，故經常於不清醒的情況下開工，又笑說：「今次終於了解乜嘢叫單身氣場，荷蘭啲男士完全唔吼我，淨係吼住麥明詩。」麥明詩承認結識了一位英國年輕才俊，有短訊聯絡，但笑指對方完全沒跟盈盈聯絡。盈盈聞言即「葡萄」說：「我唔覺有咩損失，因為佢哋feel到我係好專一嘅女朋友。」麥明詩表示將來旅行可找該英國才俊幫手安排住宿及行程，盈盈即揶揄：「咁咪即係收兵！」二人還透露此行探訪了一對孖生的性工作者，盈盈笑說：「我哋好姊妹都可以拍住上。」
蕭正楠新劇因禍得福
蕭正楠與林夏薇宣傳劇集《十二傳說》，去年因讓路內地劇《延禧攻略》而被抽起，但「因禍得福」，由原定的星期日檔期變成黃金時段出街，蕭正楠說：「之前抽起咗係好事，依家仲由24集加到25集，內地都同步播，套劇講都市傳說，啱晒七月鬼節睇！」林夏薇的堂兄林峯傳年底結婚，她說：「我真係唔知，睇到新聞都好驚訝，若果有開心事，作為屋企人都開心。」同場的姚子羚透露剛與好友朱庭萱到台灣宜蘭旅行返港，早前被指捲入四角戀的她被問是否趁機散心﹖她說：「工作咁辛苦，去旅行啫，本來想去遠啲，但唔夠時間。」