郭晉安忠奸難分 姜大偉患絕症昏迷

藝人郭晉安昨日到電台宣傳劇集《白色強人》，表示今次演的反派與以往的角色不同：「以前我做嗰啲奸角係為自己，但今次係冇個人利益。」他亦率先劇透姜大偉在劇中患上絕症，最後更昏迷：「我有份幫佢做手術，觀眾可以估吓我究竟係幫佢定害佢？總之結局大家會知冤枉咗我，個個喊晒。」
郭晉安透露暑假會撇甩太太及囡囡，獨自帶囝囝歐遊。
郭晉安透露暑假會撇甩太太及囡囡，獨自帶囝囝歐遊。

他笑言在劇中嘗試吸煙：「唔知嗰場有冇剪到，大家本身以為我唔會食，所以都冇準備夠煙，得5、6支，但要拍唔同角度，最終現場湊夠20支，所以要喺20 Take內完成。」他又謂仔女未有捧場睇劇：「阿女怕血，阿仔話未明啲戲講咩，等大個一次過煲番我以前啲劇。」他亦表示暑假會首次獨自帶囝囝歐遊，因老婆歐倩怡要返夜校，囡囡就太年幼：「去20日，都推咗幾個Job，但父子情重要過賺錢。」

演「奸角」的郭晉安，自言今次被冤枉。
  • 演「奸角」的郭晉安，自言今次被冤枉。