藝人何珮瑜（Jeana）於新片《作家的謊言：筆忠誘罪》內，有場老公張建聲（Justin）去夜場滾，她嬲爆「踢竇」的戲份，Jeana拉住「狐狸精」又鬧又打，更一腳踢落疊起的香檳及酒杯，搞到全場玻璃碎，之後再開滅火筒喪噴夜場，令Justin與同行的農夫成面粉！
Jeana表示拍時冇膽怯：「我同武指夾好晒，因為只有一次機會，估唔到一Take搞掂。」戲中演師奶的她，全片近乎素顏上陣，她笑言：「冇得靚我不知幾開心，等咗呢個機會好耐。」
