蔣祖曼望交換身份學囡囡扭計

藝人蔣祖曼（Joman）在演藝界發展逾十年，有「獨立電影女王」之稱，早前憑劇集《鐵探》中江湖阿嫂「陸蔚喬」一角受到觀眾好評，Joman認為若早兩年出現，可能未必如此。早前她應東網巨星節目「海馬牌床褥特約」《閨蜜睡房》邀請任嘉賓，一連三集與主持人俞詠文（Angela）大談「陸蔚喬」，Joman說：「我諗係造型問題，喺街又冇想像之中咁多人認得我，因為我依家唔係粉紅色頭髮。（角色嚟得太遲？）如果早兩年有呢個機會，可能我未必會想，係小朋友出咗世後，至開始去計劃自己嘅事業。」
蔣祖曼自認硬頸，堅持拒易行難。
蔣祖曼自認硬頸，堅持拒易行難。

繼子：你唔係我阿媽

Joman 21歲便當繼母，照顧電影幕後老公陳卓麒與前妻所生的兒子，曾因繼子一句說話爆喊：「佢話我鬧佢嗰時，覺得我唔係佢阿媽，聽完我九秒九走入廚房喊。我都明，佢都係講真心說話。」幸而她講道理的性格，最終令繼子信服，母子關係亦佳，Joman說現時已想不起湊仔的辛苦，腦海只有開心回憶，更笑言希望與四歲的女兒交換一日身份，想試試扭計一整天。

老公讚性格單純

外表硬淨灑脫的她，內裏卻是鵪鶉，笑稱老公賜予她三個形容詞：依賴、愚蠢和路癡：「有次佢話我蠢，見我黑面，佢就兜番話我單純，佢覺得係優點。」想知更多蔣祖曼的故事，就記得本星期五、六、日收睇《閨蜜睡房》！

蔣祖曼憑《鐵探》中的江湖阿嫂成功入屋。
  • 蔣祖曼憑《鐵探》中的江湖阿嫂成功入屋。
蔣祖曼與繼子關係融洽，對方更會幫手湊妹妹。
  • 蔣祖曼與繼子關係融洽，對方更會幫手湊妹妹。
蔣祖曼與主持人Angela分享湊仔經。
  • 蔣祖曼與主持人Angela分享湊仔經。