麥明詩做債主 借錢唔還要肉償

藝人麥明詩、江華、麥潔文及洪卓立等昨日在尖沙咀出席無綫節目《明愛暖萬心》記者會。麥明詩在節目《#後生仔傾吓偈》中談到為朋友可以去到幾盡時，自爆曾借出一百萬元給朋友應急，令人嘩然！她昨日受訪說：「係一個圈外男仔朋友，識咗六、七年，我個人都容易信人，相信佢就算破產都會用一生嘅努力還畀我，佢亦還晒錢。（收利息？）我冇要求，但佢還多咗幾個%畀我，幾好，呢排股市咁難觸摸，可以幫到我又幫到朋友。（發展機會﹖）冇，想追我都唔會問我借啦，大家識咗好耐冇乜火花。」

立借據保障自己

借錢相當豪爽的她可擔心陸續有來？麥明詩笑說：「OK嘅，可以收多啲利息，但係會建立審批制度，要係單身、男士，唔還錢就要以身相許。」不過，讀法律的她亦有保障自己，透露今次借錢有找律師朋友寫借據，若對方不還，可以申請對方破產。

江華為妻受委屈

同場的江華與麥潔文今次會與女兒同台表演，麥潔文指合唱有一定難度，已開始練習，指老公的要求比她更高。多年來一直保持弗爆身形的江華笑說：「保持運動量，唔係做嘢先Keep，同埋節制飲食都好重要，好似我老婆一見到甜品就發癲，控制唔到。」麥潔文又透露10月中假麥花臣舉行演唱會，場數未定，江華突然對她笑說：「好難得你出嚟唱，啲人成日話我唔畀老婆唱歌，害咗佢大好前程，咁多年嚟我受咗好多委屈，冇勒住佢o架，一路有鼓勵佢。」麥潔文則解釋當年少表演因要照顧小朋友。