薛家燕「打真軍」怕喘氣
薛家燕將在澳門威尼斯人金光綜藝館舉行巡唱，連日來她忙於綵排練氣，並透露請得米雪及王祖藍擔任嘉賓：「好欣賞米雪舞台上嘅演出，香港觀眾睇佢拍劇多，但佢載歌載舞就好少睇到，我同佢走埠好多次，默契十足，我哋嗰Part會中國古典色彩濃厚啲。」至於和祖藍就會鬥扮嘢，望給觀眾驚喜。
家燕女兒石祐珊擔心媽媽排練辛苦，提議她只練跳舞部分，到開騷時才真唱，但家燕一口拒絕：「因為我有個習慣，排舞時一定要唱埋歌，否則到時上台又唱又跳至發覺啲抖氣位唔啱，仲唱到喘氣，所以我寧願綵緋時辛苦啲。」她覺得排練時「打真軍」更好：「排十次就唱足十次，熟能生巧，又可以練到氣。」