鄭嘉穎「有需要」拍愛情動作片

張晉、鄭嘉穎、劉心悠及鄧麗欣（Stephy）等前晚出席電影《九龍不敗》首映，嘉穎表示活動後要趕回家湊仔，未能留低睇戲，問到是否有小朋友後就沒有娛樂？他笑言：「喺屋企對住太太同個仔就係娛樂，家庭樂！」

出埠為老婆慶生

他又表示想拍動作片，覺得現時連文藝片也可能有動作戲，問到是否不會接拍「愛情動作片」？他說：「唔可以咁講，唔可以縮窄自己嘅範圍，有需要嘅話都會拍。」提到陳凱琳本月23日生日，他計劃帶BB去旅行慶祝，是囝囝首次離港。

劉心悠拿着物件讓陳鈺芸起腳踢，睇見都驚。	鄧麗欣想挑戰拳王，被張晉提醒小心「有去冇回」。	張晉與拳王有最多對打戲。

心悠亦表示恨拍動作片，被打或打人都可以：「我依家個身形未說服到觀眾，但我對打拳好有興趣。（唔怕受傷？）有心理準備，我未試過打，所以想試，不過我係初哥，任何拍過打戲嘅同我打都得，我冇資格揀對手。」

鄧麗欣隻揪張晉

Stephy則透露戲中沒有打戲，最大「動作」是穿婚紗在輕鐵的路軌上奔跑，曾拍功夫片的她笑言想挑戰拳王，在旁的張晉即笑言小心「有去冇回」，她再說：「依家唔使打，所以講得好輕佻，如果真係拍就需要訓練，希望有日可以同張晉對打。」張晉即約她早上六時進行特訓。