「辣粉」Adele睇騷車廂熱身

英國靚聲天后Adele,日前偕數名好友去倫敦溫布萊球場捧偶像辣妹(Spice Girls)最後一場騷,出名是辣妹歌迷的Adele前日在Instagram(Ig)上載坐車前往場館的短片,片中她大唱辣妹的歌曲熱身,並留言:「對上一次睇辣妹喺溫布萊開騷,已經係21年前!今晚同我最親嘅人一齊喊、笑、尖叫、跳舞、回憶。眾所周知,我係幾咁愛佢哋(辣妹),佢哋激勵我為自己嘅生命奔波同永不回頭!我終於同Ginger(Geri)見面,我同班女飲醉,好老實,無法相信我已經走到幾遠,冇你哋五位英國傳奇,我就唔可以喺度!我愛你!」開騷前她更專誠去後台打氣及「集郵」。其實辣妹去年宣布開騷時,Adele已上載童年照片,表示自小已是「辣粉」。