單文柔母愛澎湃急住復工
藝人單文柔（Phoebe）今年4月為老公陳展鵬誕下囡囡「小豬比」Quinta，暫時停工專心照顧小朋友，日前她獲老公力撐繼續演藝事業，已急不及待「復出」開工 ！其實她是為兒童節目進行錄影，身為前主持的她除了以客串方式擔任特別嘉賓外，更趁機與主持之一的好友馬俊傑（Linus）敍舊，實行寓工作於娛樂。
教小朋友烹飪
相隔多月再次現身節目，Phoebe難掩喜悅心情，她於社交網發文，感嘆自己以新的身份重回節目組：「今日做Big Big Kids嘉賓，好開心可以見番熟悉嘅面孔，喜歡工作更喜歡我的家。Phoebe姐姐身份多了，生活多了一份精彩！」她又大晒多張拍攝花絮照及短片，只見她容光煥發、狀態大勇，似乎已準備好全面回歸幕前。她全程投入教導小朋友烹飪，又抱起小女孩合照，散發着濃濃人母味道。
另外，Linus亦非常識做，賣口乖留言大讚Phoebe：「今日有個賢良淑德嘅靚媽媽嚟咗做Big Big Kids嘉賓呀，好耐冇見啦，生完都係咁Fit咁靚，仲賢淑咗添！」
