梁雨恩全職掟鏢唔再唱歌

現為全職飛鏢運動員的前歌手梁雨恩,正身處法國小鎮La Rochelle出戰世界性飛鏢賽事「THE WORLD」法國站,榮獲「Top Ladies」大獎的她,開心成為首個獲獎的香港女鏢手︰「係一個突破,呢個比賽係打電子飛鏢,成績要同男選手一齊計,呢個獎就係獎勵當日賽事成績最好嘅女選手,我係打到第一名而入淘汰賽。」她計劃去巴黎血拼,買對耳環獎勵自己!

轉做全職鏢手兩年的她,坦言「捨棄」歌手身份過程不易。對於之前鬧出合約糾紛,表示未收到進一步消息,強調不會再返娛樂圈,唱歌只限福音歌,諗起做歌手已怕怕。