陳庭欣水着出鏡例減肥3個月

藝人陳庭欣、翟威廉、周志文及陳苑澄前晚到沙田出席慈善活動，身穿黑色背心熱褲的庭欣大晒纖瘦身段，她直言早前出埠拍攝《3日2夜》，每次穿泳衣上鏡都要三個月時間減肥：「我唔想減得咁急，所以嗰段時間飲食好節制，食多少少都驚唔夠Fit。」問會否跟同場由翟威廉率領的「Happy Live」獻唱？她自嘲歌藝欠佳，不想嚇親人：「有時啲司儀Job會叫我唱埋歌，好緊張！我記台詞OK，但成日唔記得歌詞，唔知點算！之前同楊明出席啲Annual Dinner，佢要唱歌，但掛住落台握手，有半首都唔使唱，我學到嘢！」