21歲美國著名性感女星Bella Thorne作風豪放，愛於社交網Instagram（Ig）上載裸露照片來冧fans。前日她留言自爆被黑客入侵iCloud雲端，並威脅會公開她的裸照及片段，Bella為免被黑客得逞，先發制人自放裸露照！
Bella前日於Ig分享裸露自拍照並留言「傳畀你男友嘅照片」後，再於Twitter自爆之前一日有黑客傳了大堆她的裸照及影片來威脅她。她公開雙方於WhatsApp的對話截圖，並於Twitter留言暗示那批裸照是給男友Benjamin Mascolo看：「過去廿四小時，我被自己嘅裸體照片威脅，我感到好作嘔、被監視，我感到有人攞咗我只想畀一個特別嘅人（男友）睇嘅照片。」所以她決定「畀人爆不如自己爆」，自行公開相關照片，並說：「呢個係我嘅決定，依家你唔可以再攞我嘅嘢（威脅我）！我今晚可以有覺好瞓，你唔可以控制我嘅生活，永遠都唔可以！」
她的「自爆裸照」行動獲fans支持及同情，有人留言：「我為你嘅經歷而感到超抱歉！你係一個堅強嘅女人，而我哋活喺一個垃圾嘅世界。唔好畀任何人打倒你，你係好有力量。」並附上心心圖案打氣。
另方面，Bella今年4月與歌手Mod Sun分手，隨即火速另結新歡Benjamin。她連日來與Mod於社交網進行罵戰，日前指Mod蓄意收埋她的護照及手提電腦，導致她不能出埠工作，以圖毀壞她的事業！Mod昨日外出時被記者追訪問及此事，他堅決否認，又指二人分手兩個月後，某日突然接到Bella來電，聲稱要取回護照，Mod指她當時準備上機飛往巴黎工作。他批評女方神經錯亂，因Bella早已擅自入他的住所取回護照及手提電腦，故他手上根本沒有上述物品！