90年代英國殿堂級女子組合辣妹（Spice Girls）前晚於倫敦溫布萊球場舉行最後一場回歸騷，曾於1998年離隊作個人發展的成員Geri，演唱會期間突然有感而發向粉絲道歉：「我要講一啲好耐之前早應該要講嘅嘢，對唔住，對唔住我曾經離開，我當時真係好細路。今次可以返嚟同我愛嘅女人一齊，實在太好！」
除真情剖白外，當四位成員唱到《Mama》時，就帶埋她們的母親及子女上台，Geri指大家見到的是辣妹三代同堂，場面感人！
早前有傳成員Victoria會於最後一場騷驚喜現身，但最終她因同日與老公碧咸（David Beckham）出席球星沙治奧拉莫斯（Sergio Ramos）的婚禮而缺席，被幾位成員將名曲《Wannabe》改歌詞寸「舊隊友」唔會免費現身，Geri更笑言提議舉行面試請人代替Victoria！最後一場騷吸引Adele捧場，辣妹特別帶領全場Fans大合唱其名曲《Someone Like You》來宣布她是座上客。