上無綫唱亞視歌 王馨平Keep住團火出新歌!

歌手王馨平（Linda）、菊梓喬及黃寶欣等前晚到電視城錄影節目《流行經典50年》，Linda透露今次獻唱亞視劇集《我和殭屍有個約會》插曲《愛債幾時還》，講到《流行》即將完結，她表示曾亮相此節目多次，有很多回憶：「啱啱同佢哋講，香港唱歌節目好少，但有好多歌手，不論老中青，應該有平台多啲發揮。」問會否開個人騷？她直言有此打算，正鋪排中：「我對唱歌仲有團火，覺得可以做啲嘢，做番首新歌，其實冇話過退出，丈夫都支持。」對於舊愛鄭嘉穎成為人父後變成「Family Man」，她相信對方會是個好爸爸：「我有睇過BB嘅相，但冇咩同佢傾偈，我一星期教九堂瑜伽，加上要飛去台灣照顧爸爸，好忙！」