「地獄廚神」Lincoln水溝油搶火

男子組合天堂鳥(BOP)與張寶欣昨日出席公開活動,談到廚藝,BOP成員Gordon表示最拿手煮公仔麵,Lincoln透露組合出道時收入不多,平日大多買食物回家下廚,不過自爆有「地獄廚神」之名:「記得8、9歲時學煮嘢食,唔知水唔可以溝油,煎腸仔時搶火燒咗抽油煙機,最後梗係畀阿媽藤條炆豬肉!」Tyrese則笑指若女仔懂廚藝會加分。

而平日也會下廚的寶欣表示最叻煮西餐,問到以往是否男友下廚?她說:「多數一齊煮,以前讀書有拍拖,唔會成日出街食,同埋英國物價好貴,所以都係打邊爐。」