白雲心郁郁開舖
藝人白雲及孫慧雪等昨午到灣仔出席食肆剪綵活動，穿上Tube Dress現身的白雲被問到有否考慮開設食肆，她坦言：「3個月前同兩位女友人開始做士多啤梨朱古力生意，生意額都OK。（諗住擴充開實體店？）要睇吓我Partner朋友Hand Made做唔做得切，如果請外人教曉咗佢就走，咁就蝕嘞！（仲有乜生意想做？）關於潛水，想拍環保潛水短片，同埋想考到自由潛40米嘅教練牌。」
孫慧雪則表示活動後要拍節目，所以昨晚本來訂了枱與老公等人慶祝父親節，最終亦要取消！談到做生意，她說：「我之前做時裝，搞咗幾年，但依家要拍嘢又要湊仔，所以冇做嘞！朋友叫我千祈唔好搞飲食，因為我本身太為食嘞！」