家中「小辣椒」蔣祖曼畀阿哥恰識報復
藝人蔣祖曼在劇集《鐵探》中不時被虐打，但現實中的她並非弱者！家中排行最小的她，有一兄一姊，小時候經常互相打交，自認臭脾氣的她笑言被哥哥欺負後會報復對方：「我試過整壞晒佢嘅遊戲機磁碟，佢以為係部機壞咗，搞到換過部機！我又試過將佢部遊戲機送咗畀人，佢以為唔見咗。」長大後，她跟哥哥十分老友：「因為佢做電腦動畫，所以算係半個電影人，大家嘅話題會多啲。」
講到兒時趣事，祖曼記得有次幼稚園默書時被老師誤會她偷看同學，雖然即時否認，但反被老師認為說謊，最後要罰企及罰餵魚。滿腔委屈無法宣洩的她邊餵魚邊食魚糧，卻意外地發現原來魚糧挺好食，認真搞笑！
