家有小霸王 陳豪任點唔嬲

藝人陳豪昨日出席手錶活動，他透露有為三名子女預留家傳之寶，但要思考如何分配。他笑言兩名兒子現時的目標是其手機，細女的目標則是太太陳茵媺的化妝品：「細女好貪靚，有次睇到網上短片教化妝，佢即時雙眼發光！女仔天生貪靚，貪靚係好事，咁先會靚。（怕唔怕佢畀男仔追咗去？）我對個女有信心，佢唔係普通女仔，係小霸王、小老虎，會食住啲男仔，佢好清楚自己做乜。（點樣小霸王？）細細個已經好有波士性格，會指揮大家做啲乜。佢係孻女，大家都對佢疼錫多少少。」並笑指囡囡有指揮他及兩個哥哥：「哥哥有時唔聽佢講，但佢又冇嘢喎，真係獨立，幾叻女。（你好偏心細女？）冇，個個都叻。」