拒王菀之「愛」意 吳鎮宇將錯就錯
藝人吳鎮宇與王菀之（Ivana）最近合作演出百老匯愛情音樂喜劇《First Date》，Ivana作為鎮宇的小影迷鼓起極大勇氣才敢邀請對方參演。不過兩人最終能合作全靠一個「美麗的誤會」，他直言：「當時以為我哋個朋友做導演，後來發現菀之一手包辦，我都呆一呆。其實我有拒絕過菀之，但係佢會錯意，最後將錯就錯決定挑戰自己！」
這部舞台劇講述兩人素未謀面第一次約會，當講到他們對另一半的第一印象時，Ivana突然低頭陰陰嘴笑：「我好記得佢（老公蘇卓航）四個鐘頭都冇望過我，佢係比較怕醜嘅人，唔係望枱就望地下，所以第一印象好深刻。」鎮宇亦回想與老婆王麗萍的第一次見面：「以為佢係圈外人，原來佢之前都係做呢行。我喺個有音樂嘅地方，見過佢幾次面咪傾吓偈。」
場地：荃灣南豐紗廠