柳影虹開騷當食菜：掩住半邊嘴唱！
藝人柳影虹今年3月開個唱，因反應熱烈開Part 2，將於6月19日在麥花臣場館舉行《聲影虹情演唱會Encore 2019》，她坦言沒預算開Part 2，但有位好友兼鐵粉說可以包700張飛，而主辦老闆找到6月檔期，所以成事。對於記歌詞，她坦言零難度。原來她20歲時已經衝出香港，到韓國參加歌唱比賽：「我一出道就做大騷，企喺3萬人嘅場館唱歌，依家啲場得千幾個位算係乜！當食菜，掩住半邊嘴唱。」
當年拍劇傷腰舊患現時仍不時腰痛發作，她稱坐行企都不能太久，問到兩個半小時的演唱，可擔心腰痛難忍？她說：「都會痛嘅，但一唱歌我腎上腺素上升抵銷咗，所以嗰幾個鐘係唔痛嘅，到第二朝先識痛。」她稱幸好還未需食止痛藥或打針先能上台。