伍樂怡兩周搣甩8磅
藝人伍樂怡（Kelly）日前出席明珠台劇集宣傳，透露即將與視后李佳芯合作新劇，演醜小鴨變成有自信的女仔，問到與佳芯是否很多對手戲？她說：「應該都差唔多，仲未開始圍讀，不過就嚟試造型就知，我都好期待。」
剛從加拿大放假返港的Kelly，笑言正努力瘦身，並於網上搜羅極速減肥法，最終認為一個名為「五比二」減磅法最適合自己，經過短短幾日，她已成功搣甩幾磅，更滿有信心說：「我目標係兩星期減到8磅，呢個食法好得意，首先頭兩日食量唔好超過500卡路里，但其餘日子就可以正常食嘢，當然都要加埋適量運動啦！我上網睇過好多人都話呢招Work，依家開始咗一星期，暫時都頂得住，冇任何唔舒服，又或者肚餓感覺，所以相信減8磅冇問題！」