莫家淦陳國峰識𡃁妹陪玩

藝人莫家淦（Keith）與陳國峰（Penny）既是鄰居又同期做爸爸，不時交流湊仔經，日前他們撇甩太太，各自帶囝囝莫朗翹（Keanu）及陳梓燐（Regan）到公園玩樂。兩個小朋友跑勻全公園，本來文靜的Regan更一度大叫，Penny即大嗌「投降」，並向Keith笑言：「你個仔帶壞我個仔呀！」場面搞笑。Keith表示：「我哋兩個嘅囝囝年紀差唔多，平時會交換日用品，如果對方有工作在身， 我哋仲會互相幫手湊小朋友。我哋以前約埋去酒吧識女仔，依家都係識女仔，不過就係識啲3、4歲，陪我哋個仔玩。」