關寶慧唔認孤寡命一定要嫁
「劇后」關寶慧昨日現身電台接受森美的戀愛節目訪問，她自爆幾廿年冇拍拖，並坦言不結婚不罷休，惟參加Speed Dating又怕被認出，更分享兩次約會經驗：「有一次揀咗間落地玻璃嘅Coffee Shop，個男人就問『你估出面有冇人影緊我哋？』，就覺得唔使（繼續）；有一次就好避忌，佢約咗我去茶餐廳，好多人望住佢好大壓力！有師傅話我哋做呢行係孤寡命。」
縱使被批孤寡命，但她絕不低頭認命，仍然對愛情抱有希望：「之前諗定60歲着婚紗會係咩樣，依家就諗埋70歲。」她隨即開出「陀地老肉男」的擇偶條件：「唔會揀外國人，我識講英文，但唔想每日嘅溝通都係英文，又唔鍾意小鮮肉、瘦，一定要大過我，湊仔咩？同埋唔可以窮過我，唔夠錢使仲要搵個窮過我，仲要養埋佢？咁我養鬼仔好過啦！」