黃子恆遠離粉絲洗底

黃子恆獲放生有得拍劇，梗係笑啦！

無綫藝員陳豪、李佳芯、黃子恆、蕭正楠與曹永廉等昨日在將軍澳電視城為愛情喜劇《愛美麗狂想曲》試造型。黃子恆去年底被爆搭上內地女粉絲Michelle，對方更自稱懷孕，聲稱要去墮胎，負面新聞令他工作量大減。繼客串劇集《降魔的2.0》後，他獲無綫放生拍新劇《愛》，劇中角色更刻意為他「洗底」，扮演平實正經的生意人。

與Michelle冇聯絡

黃子恆被問到與Michelle的感情轇轕是否已完結？他說：「一直都希望可以將多啲時間投入喺家庭、屋企人度，呢個係一直嘅方向。（有冇拍拖？）冇，我都想，自己有番咁上下年紀，見到蕭正楠都好美滿幸福，不過大前提係做好工作先。（同Michelle件事已經解決？）嗰件事之後已經再冇聯絡。（佢話要墮胎？）唔清楚，因為當時件事都唔係真。（佢有冇去墮胎？）呢件事冇可能發生。」問到日後會否與粉絲保持距離？他說：「都有啲距離，咩原因都好，自己都驚佢哋會唔接受我呢個人，我驚佢哋會驚，首先要做番好自己，做得好就會多番Fans。」

陳豪與李佳芯再合作，相信更見默契！

蕭正楠（左）與曹永廉扮咀嘴，十分搞笑。

蕭正楠曹永廉激咀

陳豪與李佳芯再度拍檔，雖然劇中風流倜儻但卻被李佳芯食住，問到家中地位？他笑說：「地位係咩嚟o架？已經冇咗自己好耐。」而蕭正楠講到與曹永廉有激咀戲時笑說：「真係慘過畀鬼壓！我唔敢同老婆講呀，驚唔畀我拍，拍嗰陣你唔好伸條脷過嚟呀。」曹永廉則笑說：「咁你咪用條脷推番過去咪得囉。」