胡鴻鈞復工作嘔靠吳若希兜住！
早前拍劇受傷入院的歌手胡鴻鈞（Hubert）昨日復工，與吳若希（Jinny）出發到美國開演唱會。Hubert坦言雖逐漸康復，但仍不時頭暈，笑言必要時會嘔在Jinny身上，Jinny則揚言會為他兜住嘔吐物，免得失禮！
胡鴻鈞早前拍攝劇集《降魔的2.0》撞傷頭部入院，出院後休養十多天後終於復工。昨晨約11時，他與Jinny在助手陪同下現身機場，準備飛往美國開演唱會，Jinny的老公Alex前來送機，但怕醜不願出鏡。
擔心Jinny累事
精神不俗的Hubert透露身體狀況OK，康復進度良好，出發前有徵詢醫生意見：「醫生話搭飛機OK。我仲有少少頭暈，但愈嚟愈好，暈嘅情況少咗。我有帶定止暈丸，上機前會食。」他坦言除了止暈丸外，沒有其他應急準備，並指着Jinny說：「有佢，有咩三長兩短，我會嘔落佢嗰度。」Jinny聞言笑說：「我會盡力幫佢兜住，唔好影響到其他乘客。」Hubert無奈表示Jinny不需他操心已是最好的照顧。
帶埋「囡囡」同行
Hubert指今次行程不操勞，行程亦不緊密，有足夠時間休息：「本來諗過Stay behind，但整親之後，都係決定乖乖跟大隊一齊返香港。」並表示回港會再作詳細檢查，劇集補拍方面則未收到通知。至於Jinny表示完成演唱會後會在當地多留一星期探親，並帶同印有女兒樣貌的攬枕同行，以解思念之情，老公則因工作關係未能一同赴美。